Филипче: Црвениот крст е еден од најсериозните партнери во менаџирањето на здравствената криза
Министерот за здравство, Венко Филипче, денеска присуствуваше на настанот на Црвениот крст на РСМ и Институтот за трансфузиона медицина, од каде истакна дека се проширува програмата во рамките на министерството и дека и понатаму ќе продолжи во континуитет да се напредува програмата.
Тој нагласи дека Црвениот крст е еден од најсериозните партнери во менаџирањето на здравствената криза.
– Минатата година програмата беше зголемена за 20%, со таа динамика ќе продолжиме и понатаму, бидејќи Црвениот крст навистина го заслужува тоа. Црвениот крст е еден од најсериозните партнери кои што ги имаме во текот на менаџирањето на оваа криза, како во волонтерските акции, така и во одржувањето на нашиот систем во ковид центрите, но посебно сега во процесот на спроведување на масовната имунизација, во буквално сите пунктови ширум државата. Ние и понатаму ќе продолжиме да го поддржуваме институтот за трансфузиологија. Само изминатата година со целосното реновирање на фрижидерите и целосната опременост на просториите каде што сега се чуваат голем дел од вакцините. Ги достигнува сите карактеристики на врвен европски центар кој ги има задоволено највисоките стандарди, истакна Филипче.