ФИФА има главоболка: Еден град одби да биде домаќин на Мундијалот 2026
Град кој треба да биде домаќин на седум натпревари на претстојниот Мундијал, вклучувајќи го и натпреварот од групата помеѓу Англија и Гана, сака да ја одбие улогата на домаќин поради недостаток на средства
Стадионот „Жилет“ со капацитет од 65.000 седишта во Фоксборо, Масачусец, е одреден да биде домаќин на пет меча од групната фаза, еден меч од осминафиналето и првиот четвртфинален меч на 9 јули.
Препорачано
Што се однесува до самиот стадион, сите услови се исполнети. Сепак, ФИФА ќе мора да бара нов стадион за домаќин, бидејќи градот Фоксборо се заканува дека ќе ги блокира мечевите ако некој не ги покрие трошоците за безбедност.
𝟙𝟙:𝟙𝟙 pic.twitter.com/oLUgbPe3ID
— Gillette Stadium (@GilletteStadium) April 13, 2021
Фоксборо (18.000 жители) процени дека трошоците за полицијата и јавната безбедност за време на турнирот ќе бидат околу 7,8 милиони долари, а градот нема пари да ги плати.
Спасот можеби ќе биде ако сопственикот на „Њу Ингланд патриотс“ (клубот од НФЛ што го користи стадионот), Роберт Крафт, помогне во покривањето на трошоците. Се проценува дека Крафт вреди околу 13 милијарди долари.
