ФИБА му ја симна суспензијата на Работнички и веднаш договори две засилувања – Слободен печат
КошаркаСпорт

ФИБА му ја симна суспензијата на Работнички и веднаш договори две засилувања

Македонскиот шампион го плати долгот кон Дарко Чохрадериќ и веднаш го засили ростерот со Стефан Младеновиќ и Ксавиер Џонсон.

Светската кошаркарска федерација (ФИБА) ја симна суспензијата на Работнички откако македонскиот шампион го плати долгон кон екс-кошаркарот Дарко Чохрадерич. Со одлуката на ФИБА, македонскиот тим ќе може да ангажира странски кошаркари до завршување на преодниот рок кој трае до петти април и осетно засилен да ја продолжи сезоната.

Во досегашниот дел од сезоната единствен странец беше Бугаринот Чавдар Костов кој беше и МВП на минатата сезона. Тренерот на Работнички Марин Докузовски веќе има неколку имиња со кои ќе атакува на трофеите во Купот на Македонија и во шампионатот.

Работнички веднаш ангажира двајца кошаркари, бекот Стефан Младеновиќ кој во Градски парк доаѓа од екипата на Охрид и американскиот кошаркар Ксавиер Џонсон. Џонсон доаѓа од екипата на Тексас леџендс од развојната НБА Г-лига. Станува збор за 201 сантиметар висок кошаркар кој настапува на крилните позиции и треба да претставува замена за македонскиот репрезентативец Кирил Николовски кој поради повреда предвреме ја заврши сезоната.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close