Европската радиодифузна унија (ЕБУ) сооошти дека за „Песна на Евровизија“ што во 2021 година треба да се одржи во Ротердам, Холандија, се пријавија 41 земја, меѓу кои и Македонија. На настанот се потврдени истите држави кои требаше да имаат свои претставници и на годинашното издание кое беше откажано поради пандемија на коронавирусот.

Покрај Македонија и, секако, домаќинот Холандија, на фестивалот ќе учествуваат и Албанија, Австралија, Австрија, Азербејџан, Белгија, Белорусија, Бугарија, Чешка, Данска, Естонија, Финска, Франција, Грција, Грузија, Хрватска, Ирска, Исланд, Италија, Израел, Ерменија, Кипар, Летонија, Литванија, Малта, Молдавија, Германија, Норвешка, Полска, Португалија, Романија, Русија, Сан Марино, Словенија, Шпанија, Швајцарија, Шведска, Велика Британија и Украина.

Поради откажувањето, ЕБУ донесе одлука организацијата на Евросонг“ повторно да ја довери на холандските емитери, а фестивалот би требало да се одржи од 18 до 22 мај.

– Благодарни сме за посветеноста на 41. емитер за помошта во повторната организацина и враќање на Евровизија, рече Мартин Естердал, извршен супервизор на натпреварувањето.

Тој додаде дека ЕБУ, заедно со холандските емитери НПО, НОС и АВРОТРОС, работи на четири сценарија за „Песна на Евровизија 2021“ и дека се во постојан контакт со сите учесници.

Извршниот продуцент на фестивалот, Сице Бакер наведе дека организаторите си поставиле високи критериуми за претстоното издание на фестивалот и дека во тек е изработка на протокол во насока на заштита на здравјето на натпреварувачите, на новинарите и посетителите.