Европската радиодифузна унија (ЕБУ) го поништи гласањето на жирито на Азербејџан, Грузија, Полска, Романија, Сан Марино и Црна Гора во второто полуфинале на Изборот за песна на Евровизија во Торино, бидејќи утврди дека гласале надвор од правилата на Евровизија.

Исплива нов скандал од Евровизија, Романија тврди: На Украина не ѝ дадовме максимални 12 поени!

Жирито од овие земји ги ставило истите тие земји на врвот на листата, со исклучок на својата земја, бидејќи не можат да гласаат за свој претставник. Односно, шесте земји се договориле меѓу себе да си разменат гласови.

Во образложението објавено на официјалната веб-страница на Евровизија, се наведува:

„Жирито гласаше за истите пет земји во своите Топ 6, а последното од шесте жирија стави четири од другите земји во своите Топ 4 и петта земја во своите Топ 7. Четири од шесте земји имаат добиено 12 поени барем еднаш, што е максимумот што може да се додели“.

An official statement from @EBU_HQ regarding voting irregularities at the Eurovision Song Contest 2022:https://t.co/5x0CPobT5E

— Eurovision Song Contest (@Eurovision) May 19, 2022

Ваквиот начин на гласање, според мислењето на Европската радиодифузна унија, не е во согласност со образецот за гласање, потврдиле од независното тело за следење на гласањето.

Затоа, ЕБУ одлучи да го искористи правото да ги отстрани гласовите на жирито од шесте земји и да ги замени со автоматски пресметаните резултати од гласањето, за да се утврди конечниот резултат од гласањето во второто полуфинале. Ниту во финалето на натпреварот не биле искористени гласовите на жирито на шесте земји, за да се зачува интегритетот на системот на гласање на Евровизија.

Одлуките биле одобрени од претседателот на референтната група за песна на Евровизија и заменик генералниот директор на ЕБУ, во согласност со правилата за гласање на натпреварот, стои во официјалното соопштение.