Европа ја моли Тејлор Свифт: Помогни ни да излезат младите на гласање
Потпретседателот на Европската комисија, Маргаритис Шинас, смета дека американската музичка ѕвезда Тејлор Свифт би можела да биде клучна во охрабрувањето на младите да учествуваат на претстојните избори за Европскиот парламент, закажани за јуни оваа година, пренесува „Политико“.
Препорачано
Шинас тврди дека младите најдобро можат да ги поттикнат своите врсници да учествуваат, а не комесарите. На прес-конференција во средата, тој изрази надеж дека Тејлор Свифт, која беше прогласена за личност на годината од магазинот „Тајм“, ќе ја поддржи оваа иницијатива.
– Имам големи надежи дека некој од нејзиниот ПР-тим ќе ја следи оваа прес-конференција и ќе ѝ го пренесе нашето барање – рече Шинас.
European Commission VP Margaritis Schinas has a solution to boost young voter turnout at this year’s European election.
And her name is Taylor Swift.
? https://t.co/d6WmetByfo pic.twitter.com/qeyoVlHQk7
— POLITICOEurope (@POLITICOEurope) January 10, 2024
Ова не е првпат Свифт да покажe интерес за поттикнување на политичкото партиципирање на младите. Минатиот септември, таа се обиде да ги охрабри своите 272 милиони следбеници на Инстаграм да се регистрираат за гласање, што резултираше со повеќе од 35.000 нови регистрации според Vote.org, што е зголемување од 23 отсто во однос на претходната година.
Кариерата на Тејлор Свифт трае со години, обележана со бројни музички хитови, признанија и влијание на културата, пишува „Политико“.
И покрај претходните напори да се воздржи од политички изјави, Свифт го поддржа демократот Фил Бредесен на изборите во Тенеси во 2018 година, а во 2022 година изрази незадоволство од одлуката на Врховниот суд на САД за абортусот.
Шинас истакна дека Тејлор Свифт ќе ја започне европската турнеја напролет, со настап во Париз на 9 мај – Денот на Европа, непосредно пред изборите закажани за 6 и 9 јуни.
„Тејлор Свифт и нејзиниот свет“: На Харвард ќе се учи за глобалното влијание на пејачката
