Еурофарм ќе настапи на Турнирот на шампионите – Слободен печат
РакометСпорт

Еурофарм ќе настапи на Турнирот на шампионите

Битолскиот тим за прв пат ќе биде учесник на традиционалниот ракометен турнир кој се одржува во Добој.

Македонскиот ракометен вицешампион Еурофарм Работник ќе учествува на традиционалниот „ТВ турнир на шампионите“ кој се одржува во Добој, БиХ.

Ова ќе биде премиерен настап на битолскиот тим на турнирот во Добој, а покрај Еурофарм, ќе настапат уште и францускиот Шартр, Криенс од Швајцарија, Извиѓач од Бих), словачкиот Татран Прешов, Војводина, домаќинот Слога и Пекинг Спорт Универзитет кој идната сезона ќе настапува и во СЕХА Лигата. Турнирот ќе се одржи од 20 до 24 август.

Покрај турнирот во Добој, македонскиот вицешампион, ќе биде дел и од уште еден традиционален турнир, Струшкиот турнир кој ќе претставува генерална проба пред стартот на новата сезона. Битолскиот тим аплицираше за вајл карта за настап во Лигата на шампионите, а доколку не биде избран, ќе настапува во ЕХФ Купот.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close