Ер Франс затвора 1.022 работни места
Членови на синдикатот протестираат во базата на компанијата на парискиот аеродром Шарл де Гол.
Авио – компанијата Ер Франс се подготвува да затвори 1.022 работни места во својата нискобуџетна линија ХОП! со цел да се справи со економските последици од корона-кризата, изјави денеска претставникот на синдикатот ЦГТ Жоел Рондел.
Раководството на „Ер Франс” има состанок со синдикатите за плановите за реструктуирање и отпуштања на вработени.
Паралелно членови на синдикатот протестираат во базата на компанијата на парискиот аеродром Шарл де Гол. Синдикалците се посебно огорчени што француската Влада не инстистирала на тоа Ер Франс да ги заштити работните места кога во мај на компанијата и одобриле седум милијарди евра државна помош.
Синдикатите предупредуваат дека бранот укинување работни места ќе се прошири на целата француска економија.
Француските медиуми, уште напоменуваат, дека авиокомпанијата сака да намали 7.500 работни места, првенствено по пат на доброволно заминување.