Од коалицијата Алијанса за Албанците – Алтернатива, сметат дека дебатата за промените во Изборниот законик треба да биде сеопфатна и отворена, не само формална и техничка.

– Електронското гласање со отпечатоци на прсти е прифатливо за нас, но колку ќе биде ефективно, ќе зависи од тоа како ќе се спроведе. За нас, приоритет во ова прашање останува чистење на Избирачкиот список од измислени гласачи, промена на изборниот систем од пропорционален со отворени листи и промена на изборните единици, како и утврдување на еднаков број во изборните единици, при избор на пратеници – изјави за Слободен печат, Флакрон Беџети – потпарол на АА.