Во силна експлозија во приземјето на зграда во францускиот град Трев, во близина на Лион во Франција, повредени се пет лица, пренесе „Bild“.

Експлозијата се случила околу 18 часот во помала зграда која се наоѓала во близина на средно училиште. Според извештајот, експлозијата предизвикала делумно уривање на фасадата на зградата.

Спасувачките екипи брзо пристигнале на местото на настанот, а повредените биле „медицински згрижени на лице место“, се наведува во официјалното соопштение, пренесува „Фигаро“.

„Педесет пожарникари и 36 возила, како и медицинските служби, беа мобилизирани за да им пружат помош на жртвите“, соопштија локалните власти.

Како мерка на претпазливост, училиштето што се наоѓа во непосредна близина било итно евакуирано.

Локалните власти покренаа истрага за да го утврдат точниот причинител на експлозијата, пренесува Танјуг.