Љубовните врски се сложени, но една едноставна промена може помогне за подобро разбирање и хармонија меѓу партнерите. Психологот и психотерапевт Дејвид Алтман за „Сајколџои тудеј“ открива како може несвесно да ја уништите вашата љубовна врска, користејќи еден збор со кој се обраќате на партнерот.

„За време на мојата работа како психотерапевт, секогаш бев изненаден како постојаните, мали барања што едниот партнер ги поставува доведува до гнев кај другиот партнер, што на крајот ја уништува врската. Овие барања често произлегуваат од скриеното, несвесно сценарио на поединецот за тоа како треба да се однесува нивниот партнер“, вели психотерапевтот.

Тој посочува со кои фрази одредени луѓе постојано се обраќат кон своите партнери: „Треба да знаеш што сакам“; „Треба да знаеш што мислам“; „Треба да го направиш на овој начин“.

Со овие примери психотерапевтот доаѓа до важен заклучок: „Открив еден збор што ги ‘убива’ врските“.

Да, според д-р Алтман, зборот „треба“ е тој што ги насочува вашите очекувања за тоа како верувате дека работите треба да изгледаат. На јазикот на когнитивно-бихејвиоралната терапија, потојаното користење на зборот „треба“ претставува когнитивно нарушување или грешка во размислувањето.

„Не се обврзувајте на вашите ‘треба’. И, во некои случаи, не се обврзувајте на туѓите ‘треба’“, вели психологот Дејвид Алтман.

Тој вели дека зборот „треба“ често го отежнува животот, принудувајќи нè да ги осудуваме другите остро, наместо да размислуваме доволно за нашите постапки. Со откажување од крутите очекувања, можете да станете пофлексибилни, поприлагодливи и да започнете да го прифаќате она што е надвор од вашата контрола.

Иако одредени верувања можеби се дел од вашиот семеен систем и начинот на кој сте пораснале, можете да изберете поинаков живот. Со користење на свесноста, можете да станете посвесни за вашата „потреба“ и да се оддалечите од нејзините штетни ефекти.

Психотерапевтот советува како да се ослободите од очекувањата дека нешто „треба“ да се случи. Тој вели да наведете едно очекување што ве вознемирува. Можеби ви пречи кога некој веднаш не одговара на вашата порака, не ви кажува „извинете“ откако случајно ве удрил или не ја врши работата толку добро како вие? Или можеби има збир на лични очекувања, како добивање на најдобра оценка на работа. Списокот е бесконечен.

Донесете одлука да се откажете од вашите очекувања за себе или за партнерот едно попладне, еден час или цел ден. Изберете став на отвореност и прифаќање кон ова очекување. Наместо тоа, гледајте го како ваша или негова/нејзина желба, а не како нешто што „треба“.

Реагирајте поинаку. Изберете однесување кое ќе ве извади од рутината и ќе ви овозможи да реагирате на флексибилен и прилагодлив начин. Размислете за една придобивка од релаксација за вашите очекувања, која ќе придонесе и за подобра и хармонична врска.