Британскиот актер Џастис Смит (30) гостуваше во подкастот на ѕвездата од „Twin Peaks“, Кајл МекЛахлан, „What Are We Even Doing?“ и откри нешто што ги изненади обожавателите на Хју Грант (65).

Кајл ја праша младата ѕвезда како било да работи со Грант во филмот „Dungeons and Dragons: Honor Among Thieves“. Џастис откри дека одлично се сложувале.

„Го обожавав. Кога работевме заедно, еднаш го прашав: ‘Еј, сè уште го сакаш тоа што го правиш?’“ – рече Смит.

На тоа следело нешто што навистина го изненадило:

„Не, никогаш не го сакав. Почнав со актерство само поради пари и слава“ – му одговорил британскиот актер.

Смит додаде дека му се допаднала неговата искреност и дека Хју е навистина многу духовит. Сепак, таа изјава го заинтригирала, па ја прашал колешката Розамунд Пајк што мисли за тоа.

„Мислам дека навистина беше сериозен“ – рекла таа, а тогаш тој сфатил дека сепак е возможно некој да ја работи работата исклучиво за пари.

Кајл и Џастис се согласиле дека Хју е вистински перфекционист и дека многу се вложува во својот труд.

„Мислам дека е толку добар актер што навистина ме увери дека актерството го работи само поради пари“ – се насмеа младата ѕвезда.