Двегодишно дете е во тешка состојба на Клинички центар Мајка Тереза откако во неговото тело завршил метален фрагмент од непознато потекло, потврди денеска на прес-конференција министерот за внатрешни работи Панче Тошковски.

Детето, според информации на „Слободен печат“ кои ни ги дадоа дежурни доктори, ноќеска било донесено во Ургентниот центар на скопските клиники, со огромно полициско присуство. Детето е во тешка состојба и животот му е загрозен.

Тошковски информираше дека ноќеска на подрачјето на СВР Скопје се случило и едно убиство неповрзано со настанот со детето. Убиен бил турски државјанин. Седум луѓе се повредиле употребувајќи пиротехника. Едно лице се самоповредило со пушка во Битола.

Во изминатото деноноќие, забележани се 23 сообраќајни несреќи, од кои во две има тешко повредени луѓе. Уапсени се околу 50 луѓе, во најголем дел поради дрога и нарушување на јавниот ред и мир.

Грофот од Штип не може да се сети дека со нож ја убил сопствената мајка