Пролетва скопската Зоолошка градина се збогати со голем број „бебиња“. Пред три недели се родија две бели волчиња, кои моментално се со сиво крзно, а како што велат од ЗОО, белата боја како своите родители ќе ја добијат подоцна.

Неодамна во градината се роди и третото младенче кај ламите, кое е со уникатни шари. Вистинска радост предизвика раѓањето на трите бели лавчиња, кои беа првите родени лавови во ЗОО по 20 години.
Во изминатиот период се роди и белоракото гибонче Мики, младенче од двогрбата камила Буби, како и бебе од џуџестиот мармазет, валаби кенгурче, лемур, патаси и многу други животни.