Два часа службена пауза за „ТНТ“
Почетокот на денешното судење за случајот „ТНТ“ кој се однесува за незаконското уривање на комплексот „Космос“ на инвеститорот Фијат Цановски е одложено два часа.
Судијата Огнен Ставрев на вчера поставените адвокатите по службена должност денес им даде два часа за да извршат увид во предметот. На вчерашното рочиште судот по службена должност именуваше адвокати на четворица од обвинетите.
Судот вчера на адвокатите кој не дојдоа на судењето им одреди парични казни од по 2.000 евра, а адвокатите Мерџан Даути и Донче Наков, кои вчера беа казнети, не дојдоа ниту денеска.
Случајот го води судијата Огнен Ставрев, а застапник на обвинението е Бурим Рустеми од ОЈО Куманово. За делото се обвинети повеќе лица меѓу кои екс министерот за транспорт и врски Миле Јанакиески и тогашниот градоначалник на општина Гази Баба Тони Трајковски, додека во отсуство му се суди на поранешниот премиер Никола Груевски.