Дури 20 атлетичари, од кои десет се од Нигерија добија забрана за настап на Олимписките игри во Токио бидејќи не ги задоволија стандардите на антидопинг контрола надвор на натпреварувања, објави единицата за интегритет на атлетиката (АИУ).

Сите 20 атлетичари доаѓаат од земјите кои АИУ ги става во „А категорија“, односно ги смета за „високоризични“ поради што нивните претставници мора да се тестираат на допинг по три пати во рок од три месеци и тоа пред секое големо натпреварување.
Најпогодена е Нигерија која остана без дури 10 атлетичари од вкупно 23 колку што требаше да настапат на Игрите во Токио.

Новинската агенција „Франс Прес“од добро известени извори дознава дека нигериската спринтерка Блесинг Окагбаре која е една од главните фаворитки на трката на 100 метри, не се наоѓа на списокот на дисквалификувани атлетичари и атлчетичарки и ќе може да настапи во Токио.

Нигериската атлетска федерација денеска го призна неуспехот и ја презема одговорноста за пропустите кои доведоа до дисквалификација на нивните атлетичари, но исто така додава дека сите нигериски атлетичари кои живеат и тренираат во САД ги извршија сите потребни тестирања и ќе настапат во Токио.
Останати земји чии алтетичари се дисквалификувани се Кенија (има двајца дисквалификувани атлетичари), Белорусија (3), Етиопија (1), Мароко (1) и Украина (3).