Брзата помош на Нов Јужен Велс заврши драматично спасување, извлекувајќи жена која била заглавена наопаку меѓу карпите во долината Хантер.

Матилда Кембел го испуштила телефонот меѓу карпите додека се шетала со пријателите, а кога се обидела да го извади паднала и останала заробена, со главата надолу, само стапалата ѝ се гледале меѓу карпите.

Таму била седум часа, а специјалистите за спасување морале да ги отстранат со кран камењата тешки и до 500 килограми за да ја ослободат.

„Во моите 10 години како спасувач – болничар, никогаш не сум сретнал ваква работа, тоа беше предизвик, но неверојатно наградувачко“, рече Специјалистот за спасување на брзата помош во Нов Јужен Велс, Питер Вотс.

„Секоја агенција имаше своја улога и сите работевме неверојатно добро заедно за да постигнеме добар исход за пациентот“.

Кембел на крајот беше ослободена и имаше само мали гребнатини и модринки, но за жал нејзиниот телефон не преживеа.