Вистинска брканица се случувала синоќа во Кумановско.

Жител на кумановско Романовце не застанал на полициски знак и со возилото удрил во полицаец, по што продолжил да вози. Подоцна го оставил возилото и почнал да бега, а полицајците испукале предупредувачки куршуми во воздухот за да застане.

„На 14.01.2026 во 23:30 часот во с.Романовце, кумановско, полициски службеници од СВР Куманово го лишија од слобода С.Ч.(28) од с.Романовце. Околу 22:30 часот во с.Отља, липковско, тој не застанал на даден знак за запирање и со возилото „ауди а3“ со скопски регистарски ознаки, кое го управувал, удрил во полициски службеник и продолжил со движење. Во близина на село Романовце тој застанал, го напуштил возилото и почнал да бега, по што еден од полициските службеници испукал два предупредувачки куршуми во воздух. Набргу е стигнат и фатен, при што пружал отпор и физички нападнал полициски службеник“ соопшти МВР.

С.Ч. е задржан во полициска станица и по целосно документирање на случајот против него ќе биде поднесена соодветна пријава.