Лидерите на САД, Германија, Франција, Велика Британија и Италија денеска телефонски разговараа меѓу себе и се согласија за важноста да останат обединети околу Украина, соопшти кабинетот на италијанскиот премиер Марио Драги.

„Лидерите ја потврдија важноста на единството на целта и акцијата што е прикажано наспроти војната во Украина и нејзините реперкусии“, се вели во соопштението.

„Соочени со тешката хуманитарна вонредна состојба, лидерите ветија дека ќе ги координираат напорите за да му помогнат на украинското население кое бега од конфликтот или на оние кои се блокирани дома“, се додава.

Италија претходно соопшти дека повикот има за цел да се подготви за состаноците на НАТО, Г7 и Европскиот совет планирани за подоцна оваа недела.

САД и ЕУ бараат начин како да ја убедат Кина да не ѝ помага на Русија