ДОКУМЕНТАРИСТИКА: „Професорот“ или заборавена легенда - Слободен печат

ДОКУМЕНТАРИСТИКА: „Професорот“ или заборавена легенда

Документарниот филм „Професорот“ на Јордан Дуков е филмско првенче на продукцијата „Кадар“ и досега имаше една затворена проекција за селектирана публика, но истражувачката приказна за одамна починатиот професор и гевгелиски боем Илија Џаџев препорачуваме да ја види целата македонска јавност.

Младата публика со сигурност не знае кој бил Илија Џаџев, но постарите генерации со сигурност ќе се сетат на звуците на неговата хавајска гитара и на поезијата што ја објавил во 19 збирки. Дури и самиот автор на филмот, Јордан Дуков, открива дека прв и последен пат се сретнал со Илија Џаџев на денот на неговиот погреб, кога го збунила погребната поворка, која место крст на челото носела гитара. Илија Џаџев по професија бил професор по географија, но неговите гевгелиски современици го паметат како уметник, како поет со слободна душа и како последниот македонски трубадур, вистинска легенда од нивното време.

Документарниот филм за Џаџев е направен со истражувачки дух. Авторот Дуков си поставил три цели во неговата филмска мисија: да открие што повеќе за животот на Џаџев, да го пронајде неговиот необјавени роман и хавајската гитара повторно да оживее. Поддршка во реализацијата на мисијата добива од семејството и пријателите на Џаџев, но и од српскиот актер Иван Бекјарев, кој бил во роднински врски со Џаџев и има потекло од Гевгелија.

Прочитајте и...  Младата актерка која глумеше во филмот на Дизни почина од тумор на мозокот

Приказната за Џаџев тече лесно и разбирливо. Како гледач може да ве изненади фактот што јавноста речиси заборавила на една легенда, како што бил слободоумниот поет, широкоград боем и музичар, кој со својата гитара прошетал низ целиот свет и направил околу 6.000 концерти за кои не сакал да земе никаков хонорар. Камерата во рацете на Доријан Миловановиќ и Кристијан Караџовски во филмот има мирен и сталожен од, монтажата на Доријан Миловановиќ е инвентивна и лесно преминува низ повеќе филмски формати, а суптилно се додадени анимациите на Крсте Господиновски. Секако, користената музика е на Илија Џаџев. Продуцентот на филмот, Љубиша Арсиќ од „Кадар“, кој има поддршка и соработка со Агенцијата за филм, Македонската радиотелевизија и „Машина продукција“ треба да вложи напор филмот да стигне до пошироката филмска и телевизиска јавност.

Прочитајте и...  Младата актерка која глумеше во филмот на Дизни почина од тумор на мозокот

(Текстот е објавен во „Културен печат“ број 17, во печатеното издание на „Слободен печат“ на 8-9 февруари 2020)

Прочитај повеќе

„Културен печат“: Виртуоз на древниот јапонски инструмент шакухачи ќе гостува во Скопје

Слободен печат

ИНТЕРВЈУ со Игор Иванов: Македонската кинематографија веќе не е мала бара со многу крокодили

Тони Димков

ЗЛАТНА РАМКА: Годишна ревија на македонски филмови

Тони Димков

ФИЛМСКА ПРЕМИЕРА: „Диви и среќни“ во „Синеплекс“

Тони Димков

ДПМ: Годишните награди ќе бидат доделени на 13 февруари

Тони Димков

ЛИТЕРА 2020: Уметничка вредност на илустрацијата

Тони Димков

Остави Коментар

4 × пет =

Прочитај повеќе

ИЗЛОЖБА во Пожаревац: „Редизајн на југословенскиот дизајн“ од Зоран Кардула

Тони Димков

ЈУБИЛЕЈ: Македонскиот народен театар влезе во 75-тата година од основањето

Тони Димков

Обемна монографија и три изложби во чест на 70-годишнината на МГС

Тони Димков

Во Стразбур: Прва награда за „Егзит“ на Боро Рудиќ

Тони Димков

Интимен портрет на еден од најубавите градови во светот

Тони Димков

Девствени предели на сликар со квалитет на големите мајстори

Тони Димков