Голманот на Македонија, Столе Димитриевски, се обрати на денешната прес-конференција во пресрет на утрешниот натпревар против Ирска во Даблин.

Македонската репрезентација во последните два натпревари прими дури 11 голови, а противниците создадоа и голем број шанси, што беше една од главните теми на обраќањето на Димитриевски.

„Точно е дека на последните два меча примивме многу голови, имавме доста шутеви кон нашиот гол. Го анализиравме мечот со Данска, потребна ни е подобра дуел игра на средината на теренот, да дојдеме до вторите топки, да не им дозволиме да создаваат простори и да имаат толку шутеви. Разговаравме, ги знаеме грешките, треба да се подобриме“, вели Димитриевски.

Тој нагласи дека настапот за националниот дрес секогаш носи посебна одговорност и дека пристапот мора да биде максимален, без оглед на значењето на натпреварот.

„Селекторот ни дава мотивација, не мотивира, ни зборува како да играме, како да ги спречиме тие шутеви, наше е да одиграме. Јас сум професионалец, секогаш сакам да дадам максиум и да победам, сите тука размислуваме така и сме максимално фокусирани за да го дадеме најдоброто од нас и да одиграме одличен натпревар. Тоа е најмалку што можеме да дадеме за Македонија“, додаде нашиот голман.

Натпреварот во Даблин е закажан за во терминот од 20:45 часот.

Македонија во изменет состав против Ирска: Трајковски и Миовски се повлекле, отпадна и Атанасов