Четвртоодделенецот Ѓорѓи Чешмеџиевски од Скопје освои најмногу медали – дури 13 на последното национално првенство во Рубикова коцка. Од нив два се меѓународни, а 11 се во македонска конкуренција. Тој сруши и седум национални рекорди, пренесе deca.mk.

„Macedonian Nationals 2019” беше третиот официјален натпревар во Македонија во Рубикова коцка и се одржа во училиштето „Ѓорѓија Пулевски“ во Скопје. На натпреварот учествуваа 78 натпреварувачи од седум земји – Швајцарија, Белгија, Бугарија, Грција, Србија, Косово и од Македонија.

Освен Чешмеџиевски, нови македонски рекорди поставија и Александар Дуклески (6 рекорди) и Александар Арсовски (1 рекорд). Тие тројцата исто така освоија и интернационални подиуми – Дуклески (3), Чешмеџиевски (2) и Арсовски (1).