Тринаесетгодишно дете кое во неделата било пронајдено во несвест и мортус пијано во паркот „Свети Сава“ во Ниш, со своите пријатели играло игра  во која губитникот морал да испие алкохолен пијалок.

Детето било забележано во алкохолизирана состојба таа вечер околу 23 часот од минувачи кои повикале Брза помош и е хоспитализирано во Универзитетскиот клинички центар, објави Блиц.рс.

Како што дознава „Блиц“, минатиот викенд, уште еден 16-годишен малолетник бил примен во Универзитетската болница во Ниш, исто така поради тешко пијанство. Станува збор за два неповрзани случаи.

За случајот со пијаниот тринаесетгодишник била известена полицијата, која го пријавила случајот во Основното јавно обвинителство во Ниш и во Центарот за социјална работа во Ниш.

„Група момчиња во паркот „Свети Сава“ во Ниш играле игра во која оној што не одговорил правилно мора да испие одредена количина алкохол. Количината што ја испил малолетникот била доволна за да ја изгуби свеста, па веднаш била повикана брза помош. Засега не е познато дали станува збор за некаков нов вид предизвик од социјалните мрежи, како и од каде децата го набавуваат алкохолот и за каков пијалок станува збор. Секако, овој случај претставува тема со која треба да се занимаваат надлежните државни органи“, вели изворот на „Блиц“.