Денот кога Македонија го освои првиот бод на Европско првенство! (ВИДЕО)
Пред три години за првпат една наша фудбалска репрезентација, во машка конкуренција, учествуваше на континенталните собири.
Младата македонска У21 селекција предводена од селекторот Благоја Милевски на денешен ден (20 јуни 2017 година) одигра нерешено 2:2 против Србија на Европското првенство за играчи до 21 година кое се одржа во Полска.
Тоа беше првиот бод на Македонија на европските шампионати, иако нашите надежи беа блиску и го остварат првиот триумф.
Гачиновиќ донесе водство во 24 минута за српската репрезентација, а во 64 минута Барди израмни од пенал, тоа беше првиот официјален гол на Македонија во ова натпреварување.
Ѓорѓев со еден убав погодок се погрижи за пресврт и предност од 2:1, но во самиот финиш Ѓурѓевиќ успеа да донесе нов егал на мечот и го постави конечниот епилог. ГОЛОВИТЕ ОД НАТПРЕВАРОТ У21 МАКЕДОНИЈА-У21 СРБИЈА (2:2) МОЖЕТЕ ДА ГИ ПОГЛЕДНЕТЕ ТУКА