Познатиот манастир Свето Преображение Господово кај Крушево, кој особено се издигна по заслуга на големиот Тоше Проески, денеска ќе биде осветен.

Крушевско-демирхисарскиот Митрополит г. Јован донел одлука за негово осветување, откако целосно е завршена изграбата, што траеше долги години.

Чинот на осветување ќе го изврши Архиепископот г. г. Стефан во сослужение на повеќе архиереи на Македонската Православна Црква – Охридска Архиепископија.

„Манастирскиот храм во Манастирот Свето Преображение Господово во Крушево, со Божјата помош и благодат, после долги години на градба ја достигна состојбата да биде осветен. Најзаслужно име за подигањето на целиот манастирски комплекс е името на покојниот Тоше Проески. Осветувањето на манастирската црква благоволи да го изврши Неговото Блаженство, Архиепископот охридски и македонски г.г. Стефан на 24 септември оваа година, во сослужение на повеќе Архиереи на Македонската Православна Црква – Охридска Архиепископија“, се наведува во соопштението од Крушевско-демирхисарската митрополија.