Копродукциската претстава „Нема да биде крај на светот“, на Македонскиот народен театар, „Перипетија продукција“ – Скопје и Сараевскиот воен театар САРТР – Сараево, беше дел од натпреварувачката програма меѓу девет претстави на овогодинешниот 30. Фестивал на камерен театар „Ристо Шишков“ – Струмица, кој се одржа од 8 до 13 септември.

Дел од историјата на овој фестивал стана и Дарја Ризова, која ја доби наградата за најдобра актерка за улогата на Маша во претставата „Нема да биде крај на светот“ по текст на Аднан Лугониќ, а во режија на Нина Николиќ. Наградата ја додели жири-комисијата во состав: Звездана Ангеловска (актерка, претседател на комисијата), Нико Горшиќ (актер) и Петре Арсовски (актер).

Оваа година повторно ѝ се потврдува на Ризова нејзината максимална театарска професионалност и посветеност, која резултираше со уште една награда – четврта по ред, известија од МНТ.