Данела Арсовска денеска ќе биде назначена за нов претседател на партијата „Нова Алтернатива“
Градоначалничката на Скопје, Данела Арсовска вечерва ќе биде промовирана за нов претседател на политичката партија „Нова алтернатива“.
-Имаме чест да ве поканиме на конвенција за промоција на новиот претседател на политичката партија Нова Алтернатива Данела Арсовска. Конвенцијата ќе се одржи утре 17.01.2024 (среда) во 18 часот, во Кристална сала, хотел „Континентал“, стои во поканат а за конвенцијата од партијата.
Конвенцијата, според најавата, ќе се одржи во хотелот „Континентал“ со почеток во 18 часот.
Арсовска во телевизиско интервју на 5 јануари информираше дека се подготвува да формира политичка партија, но не одговори директно дали може да се очекува учество на оваа партија на претстојните парламентарни избори закажани за мај годинава.