Д-р Беќаровски вели дека бројките на ковид-случаи одново рапидно ќе растат

Проф. д-р Нико Беќаровски Фото: Утрински брифинг/Слободен печат

Докторот од Клиниката за токсикологија и професор на Медицинскиот факултет, Нико Беќаровски објави дека бројките на новозаразени со Ковид-19 ќе се зголемуваат во наредниот период.

– Бројките на дневната ковид-статистика рапидно ќе растат како резултат на доаѓањето на Омикрон-БА 4 и 5 и тоа е лошата вест. Добрата вест е што сепак болниците ќе ни останат полупразни, напиша д-р Беќаровски на Фејсбук.

Министерството за здравство информира дека во последните 24 часа има 168 нови случаи од 1101 тестирани, што е висока стапка од над 15 отсто од тестираните. Од нив 28 се реинфекции, соопштија здравствените власти.

Видео на денот