По два дена опаѓање на бројките, САД во вторникот забележаа црн рекорд со повеќе од 2.200 нови смртни случаи од коронавирусот во 24 часа, што е најголемиот дневен број починати од сите други земји.

Според Универзитетот Џонс Хопкинс, САД во вторник забележаа нови 2.228 смртни случаи, откако бројките во неделата и понеделникот паѓаа и се креваа околу 1.500.

САД има вкупно 25.757 починати и речиси 610.000 заразени со коронавирус.

Претходниот рекорд во еден ден беше околу 2.108 смртни случаи, што се случи во петокот во САД.

САД за време на викендот ја поминаа Италија (околу 21.000 мртви), Шпанија (18.000) и Франција (15.700) по бројот на жртви од коронавирусот.