Цела недела гори во близина на Лос Анџелес, во опасност познатата опсерваторија (ФОТО)
Пожарникарите вчера едвај успеаја да го држат под контрола пожарот кој повеќе од недела дена гори во околината на Лос Анџелес и и се заканува на познатата опсерваторија и скапоцените комуникациски кули подигнати на ридовите на калифорнискиот мегалополис.
Пожарот наречен Бобкет (рис) Фајр бил на некои 150 метри од астрономската опсерваторија Монт Вилсон, стара 116 години, предупредија противпожарните власти на Твитер, истакнувајќи дека нивните луѓе се на терен, и го гасат пожарот со булдожери како и од воздух.
Сите вработени од опсерваторијата се евакуирани, рекоа тие.
Пожарникарите се борат со пожарот од 6. септември, но сега само 3 отсто е под контрола, а претходно беше 6 отсто. Командирот на пожарната служба на Лос Анџелес Давид Дантич рече дека во пожарот, кој е на околу 25 километри североисточно од центарот на градот, изгореле повеќе од 16.000 хектари.
Локалното радио извести дека пожарот не се заканува само на опсерваторијата туку и на комуникациските предаватели со опрема вредна повеќе од милијарда долари.
Многу квартови во близина на пожарот добија наредба за евентуална евакуација, а властите стравуваат за судбината на 80-тина дрвени куќи во националната шума во Лос Анџелес.
Breaking: After crossing containment lines overnight, the Bobcat fire is within 500 feet of the Mt. Wilson Observatory. https://t.co/UJI1kZ4Zet
— Los Angeles Times (@latimes) September 15, 2020
Во Калифорнија се активни 27 пожари. Во нив од средината на август загинаа повеќе од 20 луѓе, а вчера ги гаснеа над 16.000 пожарникари.
Шумските пожари со невидени размери ги пустошат и сојузните држави Вашингтон, Орегон и Ајдахо, предизвикувајќи рекордно загадување на западниот брег на САД.