Царовска на средба со Универзитетски професори: Даваме придонес за квалтетни реформи во образованието
Министерката за образование и наука, Мила Царовска, денеска одржа средби со повеќе универзитетски професори од педагошкиот факултет, катедрата за педагогија од филозофскиот факултет, како и професори од приватни универзитети и природноматематичкиот факултет, со што истакна дека продолжува дебатата за унапредување на реформите и целата концепција за основно образование.
– Сите професори со кои одржавме средби имаа можност дадат сугестии за подобрување, со професори кои веруваа дека овие реформи ќе направат добри промени врз основното образование, а со тоа подоцна ќе изградиме личности кои и понатаму ќе придонесат за квалитетот и на повисокото образование – изјави Царовска.
Деканот на Педагошкиот факултет во Штип, Емилија Петрова Ѓорѓова, исто така посочи дека ова е амбициозна платформа, во која треба да се вклучат сите засегнати страни.
– Ова е пред се Амбициозна реформа, со која добиваме насоки како да делуваме понатаму, и ако се вклучат сите чинители на воспитнообразовниот процес, ние ќе дадеме придонес за подобрување на оваа концепција – посочи Ѓорѓова.
Славчо Димитров од приватниот Универзитет „ФОН“ исто така ги поздрави реформите во Основното образование.
-Реформите се за поздрауввање и треба да бидат вклучени сите релевантни фактори, како и академската заедница. Оваа концепција сака учениците да ги стави во фокус, да се трансформира начинот на кој е структуриран тој процес. Најголема придобивка се интегрираните примеси преку кои македонското образование ќе влезе во чекор со светските образовни системи – нагласи Димитров.
Министерката Царовска истакна дека по овие средби ќе следува јавна дебата во Собранието, на која ќе бидат вклучени и останатите засегнати страни, со што и официјално ќе се подготви конечна концепција која ќе започне да се применува во нашиот образовен систем.