Царовска: Бришењето на македонската нација од наставните програми е ноторна лага

Информациите за бришење на македонската нација од наставните програми сè уште еден од обидите за манипулација, рече министерката за образование и наука Мила Царовска.

– Секој оној којшто може да ја прочита програмата може да види дека секаде во програмата за четврто одделение стои македонски, македонска држава. Така е и сега. И сега постои во програмата и Македонци и македонска држава. Стои граѓаните да изградат идентитет на граѓани, дека припаѓаат на Република Северна Македонија, истакна Царовска во вечерното гостување на Сител телевизија.

Министерката вели дека со лаги и манипулации од опозициската ВМРО-ДПМНЕ во континуитет се обидуваат да пласираат дека оваа реформа е поврзана со чистење на македонскиот идентитет, со бугарското прашање.

– Тоа се ноторни лаги. Затоа што оваа реформа во образование е нужна и нема никаква врска со други прашања со соседите, или други прашања кои се поврзани со надворешна политика, туку единствено со подобрување на квалитетот на образованието и постигнување на подобри резултати кај нашите ученици, вели таа.

Царовска потсети на последните пресметки на индексот на човечки капитал на Светска банка, и дека со вакви резултати не можеме да создаваме продуктивни граѓани.

– Ние во последните пресметки сме екстремно ниско, што укажува дека само половина од нашите ученици кои денеска се во образование ќе ја постигнат продуктивноста којашто е очекувана, останатите нема да ја постигнат, а тоа укажува дека образованието нема да ги подготви да бидат продуктивни граѓани, потенцира Царовска.

Прифатен предлогот за референдум на иницијаторите против новиот закон за учебници

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот