Фијат Цаноски на својот Фејсбук профил објави фотографии од изградбата на комплексот „Космос“.

Цановски, од март годинава ја започна повторно градбата на комплексот Космос. Градбата треба да заврши најдоцна до почетокот 2021, откако комплексот беше урнат во 2011 година.

За комплексот „Космос“, постои обвинение „ТНТ“ на СЈО, во кое се обвинети поранешниот премиер Никола Груевски, поранешниот министер за транспорт и врски Миле Јанакиески, и поранешниот градоначалник на општина Гази Баба, Тони Трајковски. Тие сториле кривично дело од политичка омраза со уривање на комплексот „Космос“ на нивниот политички противник Фијат Цаноски.

Истрагата за предметот беше отворена во април 2016 година, а летото 2017 година Специјалното јавно обвинителство поднесе обвинителен акт. За незаконското уривање на „Космос“ сопственикот Цаноски најави побарување за отштета од над 50 милиони евра.