И понатаму една од темите во спортскиот свет е Австралија опен каде што Новак Ѓоковиќ уште еднаш го покажа својот квалитет и на 38 години успеа да дојде до финалето каде што сепак немаше сили против 16 години помладиот Алкараз.

За Ѓоковиќ тоа беше прв пораз во едно финале во Австралија, турнир кој досега го освои десет пати во кариерата, меѓутоа за многумина Новак е голем победник, најмногу поради победата над Синер во полуфиналето, дуел пред кој многумина го отпишаа.

Воодушевувањето од настапот на српскиот тенисер го изрази и грчкиот тенисер Стефанос Циципас, кој токму од Ѓоковиќ беше поразен во финалето на Ролан Гарос 2021 година.

„Честитки за кариерениот слем (комплетирани најголемите четири турнири во една сезон), Карлитос. Уште еднаш ја испиша книгата на рекорди пред нашите очи. Ова е твој свет и ние само живееме во него.

Новак, повторно го редефинираш тоа што може да направи еден 38-годишен спортист, се ежев додека те гледав. Никогаш немој да се пензионираш“, напиша Циципас на својот профил на социјалната мрежа „Икс“.

Congratulations on your Career Slam, @carlosalcaraz, once again rewriting the record books before our eyes. This is your world and we’re just living in it.@DjokerNole, once again redefining what a 38-year-old athlete can do – I had goosebumps watching you. May you never retire. pic.twitter.com/rO4Rg3KDXE

— Stefanos Tsitsipas (@steftsitsipas) February 5, 2026