Чери Спорт: Калин и Вишња најдобри на зелениот турнир, Томи и Сара најдобри на портокаловиот
Организацијата „Чери спорт“ го одржува првиот од циклусот црвени, портокалови и зелени турнири „Играме, патуваме, за спортски успех сонуваме“.
„Играме оваа сабота и недела, со порака дека никој, ама апсолутно никој, не смее и нема право да го прекине детскиот сон“, вели организаторот Вилма Марковска од „Чери спорт“.
Томи Јакимовски е победник на портокаловиот турнир за момчиња. Второто место го освои Коста Заев, додека третото место го поделија Симон Иванов и Олег Џартовски. Сара Стојчевска победи на портокаловиот турнир за девојчиња. Второто место го освои Лина Мечалова, додека третото го поделија Ана Алексовска и Јана Јовановска.
Калин Шољаковски е победник на зелениот турнир за момчиња. Второто место го освои Максим Дојчинов, додека третото место го поделија Коста Заевски и Томи Јакимовски. Вишња Митиќ победи на зелениот турнир за девојки. Второто место го освои Јована Атанасовска, додека третото место го поделија Симона Китановска и Марија Попоска.
Тамара Нелковска собра најмногу бодови на црвениот турнир.