Бугарскиот Главен обвинител, Иван Гешев, награди десетици началници на специјалните служби, обвинители, истражители и воени разузнавачи кои учествуваа во откривањето на шпионската мрежа што работела за Русија, јави дописникот на МИА од Софија.

За време на откривањето на групата беа приведени шестмина бугарски државјани, вклучувајќи и поранешни и сегашни воени лица, од кои петмина се во притвор, како и висок службеник одговорен за тајните преписки во бугарскиот Парламент.

Покрај тоа, Бугарија прогласи двајца руски дипломати за персона нон грата.

Меѓу наградените се двајца заменици главни обвинители на Бугарија, како и шефот на бугарското воено разузнавање Велко Атанасов, шефот на контраразузнавањето (САНС) Димитар Георгиев, главниот секретар на Министерството за внатрешни работи и воени обвинители.