Специјалниот суд во Бугарија изрече доживотна казна затвор на двајцата мажи за кои во судска постапка се докажа дека биле соучесници во терористичкиот напад врз израелските туристи во Бургас пред осум години, јави агенцијата ДПА.

Пресудите, кои можат да бидат обжалени, се изречени на австрискиот државјанин Мелиад Фарах (39) и на канадскиот државјанин Хасан Ел Хаџ Хасан, појасни германската агенција. Двајцата мажи со либанско потекло се осомничени дека имале врски со Хезболах.

Фарах и Ел Хаџ Хасан се осудени во отсуство, како помагатели на 23 годишниот бомбаш-самоубиец кој на 18 јули во 2012 година на аеродромот во Бургас уби 18 израелски туристи и возачот на автобусот.

Напаѓачот за кој, исто така, се верува дека е поврзан со Хезболах, носел експлозив во ранец. Тој влетал во автобусот додека чекал да се качи израелската група и тогаш го активирал експлозивниот уред, појасни ДПА.