Британските туристи се познати по несоодветното однесување и неумереностите додека патуваат на летните одмори. Тие често претеруваат со алкохолот, а како резултат често на социјалните мрежи се појавуваат необични снимки од нивните екцеси.

Жителите на бројни популарни летувалишта поради тоа често не ги обожуваат, а колку навистина се опуштени во однесувањето на одморите покажува и снимката од шпански Бенидорм. На видеото може да се забележат маж и жена која се возат на електричен скутер. Додека мажот вози, жената зад него, веројатно неговата сопруга, лежи со раширени нозе и спие.

Многумина веруваат дека таа претерала со алкохолот, а во еден момент таа дури и почна да танцува додека минуваа покрај еден клуб од кој се слуша музика.

– Нормален ден во Бенидорм – стои во описот на видеото објавено на Твитер кое во моментов има преку еден и пол милион прегледи.

https://twitter.com/AwardsDarwin/status/1172777060013694977

Иако на многу луѓе снимката им е смешна и забавна, меѓу коментарите се наоѓаат и некои кои се реални и се засрамени од постапките на Британците.

– Многу ми е срам што Британците вака се однесуваат во странство. Шпанците негодуваат токму поради вакви работи – напиша еден Британец на Твитер.