Членот на Градското собрание Бранко Милиќевиќ, познат како Бранко Коцкица, внесе нож во собраниската сала каде денеска се одржуваше седницата на Градското собрание, пренесува српски Блиц.

Ова го „открил“ скенерот на самиот влез во објектот од улицата „Крал Милан“, каде привремено се одржуваат седниците на белградскиот парламент.

Имено, Милиќевиќ, припадник на СНС, како и сите кои присуствувале на седницата, мораат да поминат низ детектор за метал.

Скенерот „свирнал“ додека тој поминувал, а откако бил извршен претрес во неговата чанта, бил пронајден нож.

Како што пишува Новости, тој се сетил дека заборавил да го остави т.н швајцарски армиски нож, кој го предал на обезбедувањето, кое привремено го задржало до крајот на седницата.

Седниците на градскиот парламент веќе извесно време се одржуваат во привремената сала, во поранешниот дом на Народното собрание во Краља Милана.