Борисов: ГЕРБ одлучи да го врати мандатот за формирање нова бугарска Влада

Бојко Борисов / AFP / Profimedia

Според Дописникот на МИА од Софија, тој побара од раководството на ГЕРБ да му го врати мандатот за формирање нова бугарска Влада на претседателот Румен Радев.

Бугарскиот премиер во оставка, Бојко Борисов, во раните утрински часови оддржа изненадувачки говор од неговиот дом во Банки, во друштво на кандидатот за премиер на коалицијата ГЕРБ-СДС, Даниел Митов, Цвета Карајанчева, претседателка на парламентарната група Десислава Јатанка Атанаскова и градоначалничката на Софија, Јорданка Фандаков.

Според Дописникот на МИА од Софија, тој побара од раководството на ГЕРБ да му го врати мандатот за формирање нова бугарска Влада на претседателот Румен Радев.

-Информирајте го претседателството дека е ова одлука на Извршниот комитет. Одете, вратете се и работете во парламентот. Бугарите се мудар народ и затоа не не оставија да управуваме сами, коментира Бојко Борисов.

Тој додаде дека партиите од протестите, заедно со бугарските социјалисти, имале огромно мнозинство од 165 пратеници од вкупно 240 во Националното собрание. Тој предвидува дека новото мнозинство нема да може да ги спроведе идните избори во Бугарија и дека доколку целта е формирање на доживотна привремена влада, тој кажа дека станува збор за напад на демократијата.

-Нема да можат да се справат со електронското гласање, по пошта, ќе направат голем проблем. Очигледно е дека немаат ниту правен капацитет. Тие не успеваат во се што ќе допрат. Да постават правила што сакаат. Нивното име е отровно, додаде Борисов.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот