Грчкиот кошаркар Јанис Адетокумбо кариерата ќе ја продолжи во Мајами Хит, откако ноќеска беше реализиран еден од најголемите трејдови во поновата НБА историја.

Според договорот меѓу Милвоки Бакс и Мајами Хит, заедно со Адетокумбо во Флорида се сели и искусниот Боби Портис. Во спротивна насока заминуваат Тајлер Хиро, Келел Веар, Хаиме Хакез Џуниор и Каспарас Јакучонис, како и значаен пакет избори на идни НБА драфтови.

ВИДЕО | Што гледаа судиите во НБА? Ова би биле „чекори“ и во ракомет

Бакс во размената добиваат избор на 13. пик од овогодинешниот драфт, два незаштитени пика од првата рунда во 2031 и 2033 година, како и право на размена на пикови во 2030 година и пик од втората рунда во 2033 година.

Со овој потег завршува 13-годишната ера на Адетокумбо во Милвоки, каде што стана лице на франшизата, двапати ја освои наградата за МВП и во 2021 година ја предводеше екипата до шампионската титула во НБА, прва по половина век.

Овој блокбастер трејд веднаш ја менува сликата на Источната конференција и го позиционира Мајами како еден од главните кандидати за титулата, додека Милвоки започнува процес на реконструкција на тимот.

ВИДЕО: Јанис во последна минута му одржа час по одбрана на Леброн и го водеше Милвоки до победа