Градоначалникот на Центар, Саша Богдановиќ, одговорноста за веќе извесното градење спроти Холидеј Ин ја префрли кон неговите претходници, односно поради тоа што се случувало во минатото.

-Се што се случува на тој терен е поради нешто што се случувало во минатото. Се обидовме да ги измениме тие планови, но, за жал, по пресудата од Уставниот суд, ни беше укината таа можност и немавме начин за спречување на друг процес понатаму, бидејќи тоа ќе беше само на штета на оштината – рече Богдановиќ на Канал 5 во гостувањето на емисијата „Жешко политичко лето“.

Според него, ако како општина правите нешто на своја рака, можете да платите огромни пенали, а да не постигнете ништо.

„Нашата задача е да продолжиме со ревидирање на плановите и во начинот на спроведување на старите постоечки, кои за жал, се потврдени од Уставниот суд. Не се плашам од кривична одговорност, затоа што овој ДУП не го донесов или општината. Општина Центар ги отвори очите за овој предмет“, наведе Богдановиќ