Богаташи и манекенки направиле корона-забава: Не се криеме! (ВИДЕО)
Снимка од забава на Бали во екот на глобалната пандемија на коронавирусот ги разбесни социјалните мрежи, а се работи за приватна забава во една луксузна вила на островот.
Забавата ја организирал богатиот Египјанец Махмуд Атија, заедно со неговата екипа по повод неговиот 21 роденден.
Помеѓу гостите на корона-забавата се нашле и неколку познати инфлуенсерки, како и руските манекенки Ксенија Алдошенко и Ксенија Дорокова. Апелите за држење растојание по се изгледа не делувале кај овие млади луѓе, а скоро сите од нив споделија фотографии на социјалните мрежи.
– На Бали сме и не се криеме – пишува една од манекенките, а објавните снимки покажуваат дека на забавата имало преку 40 луѓе, диџеј, море од алкохол и се она што оди со една ваква забава. Се разбира, „единствен проблем“ било работното време.
Индонезија официјално ги нема забрането јавните собирања, но на жителите им е препорачано да останат дома и да избегнуваат масовни собири.
По овие снимки, жителите на Индонезија биле згрозени од тоа што го гледаат и побарале од властите сите странски жители да бидат депортирани.