Били Ајлиш отворено за борбата со Туретов синдром: Сите мислат дека се обидувам да бидам смешна
Пејачката Били Ајлиш прозборе за Туретовиот синдром за време на гостувањето во најновата епизода од шоуто на „Netflix“ – „My Next Guest Needs No Introduction“ чиј водител е единствениот Дејвид Летерман. За време на шоуто, пејачката имаше тик, што воедно го предизвика разговорот за синдромот со кој се бори уште од детството.
Кога Ајлиш направи необично движење со главата и устата, Летерман ја праша дали тоа се должи на мува во просторијата, на што таа одговори дека има тикови и дека во овој случај тие се предизвикани од осветлувањето.
„Многу е чудно, речиси воопшто не зборував за тоа. Најчестата реакција што луѓето ја добиваат на тоа е смеење затоа што мислат дека се обидувам да бидам смешна. А мене тоа секогаш ме навредува и секогаш на крајот велам дека имам Туретов синдром“, изјави пејачката.
View this post on Instagram
„Никогаш не би претпоставиле колку луѓе имаат Туретов синдром. Неколку уметници рекоа „отсекогаш сум имал Турет“ и тоа беше многу интересно“, рече Били.
View this post on Instagram
„Многу сум збунета од ова нарушување и не го разбирам. Дијагностицирано ми беше кога имав 11 години. Како дете имав поблаги тикови, но тие со текот на времето се менуваа“, објасни таа и додаде дека има подобри и полоши периоди, но тие тикови никогаш не исчезнуваат целосно.
Некои од тиковите се допирање на ушната ресичка, подигање на веѓите, движења на вилицата и затегнување на мускулите на раката.
View this post on Instagram
Туретов синдром е ретко нарушување на нервниот систем кое започнува во детството и вклучува повторливи движења или несакани звуци кои не можат да се контролираат. На пример, постојано трепкање, кревање раменици или тресење на главата. Во некои случаи, едно лице може да изговара навредливи зборови и неконтролирано да пцуе.
