Били Ајлиш: Никој не треба да ја има моќта што ја имаме ние, славните!
Младата музичарка Били Ајлиш во интервју за британски „VOGUE“ изјави дека никој не треба да ја има моќта што ја имаат славните.
Говорејќи за нејзиниот нов сингл „Your Power“, што е „отворено писмо до луѓето кои експлоатираат други луѓе, воглавно мажи“, Били рече дека повеќе сака луѓето да ја слушаат нејзината песна отколку да се обидат да разберат за кого пее.
View this post on Instagram
„Навистина не станува збор за одредена личност воопшто. Можеби ќе помислите: Тоа е затоа што таа доаѓа од музичката индустрија. Не, брате. Тоа е насекаде. Не познавам ниту една девојка или жена која немала некое чудно искуство или навистина лошо искуство. Тоа важи и за мажите, младите мажи постојано се експлоатираат“, истакнала Били, пренесува NME.
View this post on Instagram
Таа исто така предупредила дека со славата доаѓа огромна моќ, особено кај мажите. „Постојат многу ранливи луѓе кои би направиле што и да кажете. Тоа лудо е чувство. Никој не смее да ја има моќта што ја имаме ние“, изјавила младата музичарка.