Бев со оженети мажи, тоа е нормална работа – Фолкерката не се срами од минатото, вели дека се трудела да биде добра љубовница
Пејачката шокираше многумина со изјавата дека била љубовница, но и тврдењето дека тоа за неа е сосема нормална работа.
Имено, српската пејачка Злата Петровиќ јавно зборуваше за бурното минато, а во една прилика откри како пет години била со оженет маж. Подоцна навела и дека таа повеќе пати била љубовница.
„Се случуваше да бидам со оженети мажи. Тоа е нормална работа. Сите жени кои го кријат тоа, лажат. Во таа приказна бев фер, а водев сметка и да бидам добра љубовница и на тој човек со кој во моментот сум била да му го сочувам бракот. Со сите поранешни љубови и мажи сум останала голем пријател“, изјави Злата за српскиот Курир.
Пејачката не запрела тука, туку изјавила и дека на мажите попривлечни им се неморалните жени.
„Може некој маж да има пет љубовници и никому ништо, а доколку жената има љубовници, тогаш таа е неморална. И жените имаат љубовници, сите го знаат тоа. Оние кои се прават многу чесни, најмногу љубовници имаат“, искрено порача таа.