Бен Афлек повторно ќе се појави во улогата на суперхеројот Бетмен во најновото продлжение на блокбастер серијалот „Бетмен“ со оригинален наслов „Флеш“.

Афлек последен пат ја играше улогата на Брус Вејн во „Бетмен против Супермен: Зора на правдата“, и доби еднаков број на позитивни и негативни критики за неговиот перформанс.

Сепак Бен го потпишал проектот на „Ди-Си комикс“ откако го добил сценариото минатата недела, пренесуваат од „Венити феар“.

Енди Машети, режисерот на филмот смета дека актерот е совршен за мажествениот, но сепак ранлив лик кој треба да се појави во филмот. „Тој знае како да го долови карактерот на ликот кој го глуми“, изјавил режисерот за списанието „Венити феар“.

„Неговиот Бетмен има дихотомија која е многу силна, а тоа е неговата машкост – поради начинот на кој тој изгледа и импозантната фигура што ја има, а сепак е и многу ранлив“, додава Енди Машети.