Бебе пронајдено фрлено во канта во авион – мајката негирала дека го родила на летот
На аеродромот во Маврициус персоналот пронајде новородено машко бебе оставено во корпата за отпадоци во тоалетот на авионот.
View this post on Instagram
20-годишна жена од Мадагаскар, осомничена дека се породила на летот, била уапсена откако првично негирала дека бебето е нејзино, но лекарскиот преглед потврдил дека таа штотуку се породила.
Службениците на аеродромот дошле до откритието кога го прегледале авионот на Маврициус Ер за рутинска царинска проверка, јавува Би Би Си.
Тие итно го однеле бебето на лекување во јавна болница, од каде соопштија дека новороденчето е во добра состојба.
Жената била ставена под полициски надзор во болницата и наводно е во добра здравствена состојба.
Инаку, македонската јавност беше видно потресена пролетта 2016 година кога дозна дека апсолвентка од Економскиот факултет во Скопје на пат кон Прага, каде одела со колегите на екскурзија се породила на Граничниот премин Табановце и бебето го фрлила во корпа за отпадоци.
Тамара И., тогаш 23-годишна своето женско бебе го родила во службениот тоалет на Табановце и како ништо да не се случило, влегла во автобусот и продолжила кон финалното одредиште – Прага, за да ја финишира апсолвентската ексурзија. Бебето е родено живо, но починало потоа. Можело да се спаси ако соодветно во болнички услови било третирано при раѓањето, рекоа истражните служби, а Тамара доби кривична пријава за кривично дело „убиство на дете при пораѓање“.