Лионел Меси ќе ги заработи преостанатите 33 милиони евра од бонусот за лојалност во Барселона, без оглед дали ќе остане на „Камп Ноу“.

Актуелниот договор на Меси истекува на крајот на сезоната, а тој може да се одлучи за слободно заминување следното лето, по неуспешните обиди да направи трансфер минатото лето.

Според странските медиуми, Барселона ќе мора да му исплати на својот најдобар играч бонус за верност од 33 милиони евра, дури и доколку Аргентинецот реши да го напушти клубот.

„ЕСПН“ тврди дека условите на договорот, кој Меси го потпиша уште во 2017 година, вклучија вкупно 66 милиони евра бонуси за лојалност. Му беше исплатена половина од тој бонус во февруари, а другиот на крајот на овој договор, односно во јуни 2021 година.

Иднината на 33-годишниот Аргентинец во Барселона виси во воздух и не е исклучено ова да биде негова последна сезона во дресот на каталонскиот гигант.

Тој одлучи и мораше да остане по неуспешниот обид да замине во Манчестер сити, но на крајот од оваа сезона станува слободен. Кој знае, може да се случи Барселона да остане и без Меси и 33 милиони евра за едно лето.