Бајден изјави дека САД размислуваат за санкции против Белорусија

Фото: EPA-EFE/Pete Marovich / POOL

Претседателот на САД, Џо Бајден изјави дека САД размислуваат за санкции против Белорусија по притворањето на опозицискиот новинар Роман Проташевич, но не прецизираше какави.

Бајден рече дека Вашингтон размислува за санкции против Белорусија, како одговор на новинарско прашање за какви мерки размислуваат САД во врска со притворот на Проташевич.

– Разгледуваме санкции. Не сакам да спекулирам додека не бидат подготвени, изјави Бајден.

Портпаролката на Белата куќа Џен Псаки вчера изјави дека САД подготвуваат санкции против Белорусија во врска со вонредното слетување во Минск на авионот на Протасевич што патувал од Атина до Вилнус. Авион на „Рајанер” во неделата итно слета во Минск откако беше пресретнат од борбен авион МиГ-29 од белоруската армија во врска со информацијата дека имало експлозивна направа на патничкиот авион.

Откако авионот слета во Минск, белоруските власти го уапсија Роман Протасевич, опозициски новинар и основач на телеграм каналот Нехта. Подоцна во неделата, авионот на „Рајанер” полета од Минск и слета во Вилнус.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот